Bedek met krummels

’n Krummelkors vir vis of vleisgeregte is makliker gesê as gedaan. Tensy jy natuurlik hierdie maklike aanwysings volg.

Jy het 3 mengbakke nodig.

In nommer 1 gooi jy die meel en geur die met sout en peper.
In nommer 2 breek jy ’n eier en klits 10 ml melk liggies by met ’n vurk.
In nommer 3 gooi ons die vars broodkrummels, gemeng met jou gunsteling vars kruie wat fyngekap is – pietersielie bly ’n gunsteling.

Die vis, vleis of groente gaan eers in bak nommer 1, dan 2 en laastens nommer 3. Plaas dit op ’n bakplaat en hou in die yskas vir 30 minute.