Eiers en sampioene / Oeufs sur le plat aux champignons

Hierdie eiergereg is veral lekker as 'n ligte middagete.

Jou voorbereiding en gereedskap is net soos vir 'n gebakte eier. Jou botter moet net meer wees, omtrent dubbel.
Jou sampioene, 250 g vir elke 3 persone, moet in skywe gesny wees.

Smelt die botter in die pan en laat die sampioen dan omtrent vir 2 minute lank daarin prut.
Breek nou die eiers by die sampioene.
Wanneer die eiers na jou sin is geur jy die gereg met sout en peper en bedien dit dadelik.

Vir Oeufs Mireille gooi jy 80 ml room oor die eiers net voor dit gaar is.