Grondboontjiebotter koekies

65 g sagte botter
125 mℓ grondboontjiebotter
250 mℓ suiker
2 groot eiers
30 mℓ melk
500 mℓ koekmeel
15 mℓ bakpoeier

Gebruik 'n houtlepel of klitser om die botter en grondboontjiebotter saam te verroom.
Voeg die suiker geleidelik by die mengsel.
Voeg die eiers een op 'n slag by en klits goed.
Voeg die melk by.

Sif die meel en bakpoeier saam in 'n aparte bak.

Voeg die meel by die mengsel en meng goed.

Gebruik teelepels om balletjies te maak met die mengsel. Skep dit op 'n gesmeerde bakplaat.
Bak by 180°C vir 15 minute.