Gestoomde mossels / Steamed Mussels

1 kg vars skoongemaakte mossels
45 mℓ olie
2 uie, fyngekap
4 knoffelhuisies, fyngekap
45 mℓ vars fyngekapte gemmer
3 vars rissies, ontpit en fyngekap
2,5 mℓ borrie
15 mℓ fyngemaalde koljander
2,5 mℓ sout
250 mℓ water
45 mℓ vars fyngekapte koljander
suurlemoensap na smaak

Verhit die olie in 'n kastrol en braai die uie, knoffel en gemmer oor medium hitte tot die uie sag is.
Voeg die rissies, borrie en fyngemaalde koljander by en roer vir 3 minute.
Gooi die sout en water by, bring tot kookpunt, plaas die deksel op en prut vir 5 minute.
Sit die mossels in die pot, sit die deksel op en stoom vir 15 minute, of tot die skulpe oopgegaan het.
Proe vir sout en gooi suurlemoensap byna smaak. Gooi enige mossels weg wat nie oopgegaan het nie.
Strooi die vars koljander oor en bedien saam met rys.