Viëtnamese hoendersop met noedels

750 mℓ hoenderaftreksel
4 knoffelhuisies, fyngekap
7 cm gemmer, in fyn repies gesny
2 rissies, ontpit en fyngekap
2 skoongemaakte hoenderborsies
7,5 mℓ olie
sout en varsgemaalde swartpeper
100 g eiernoedels
1 pak choi, fyngekap
15 mℓ sojasous
die sap van 'n ½ lemmetjie
2 stingeluie, in stukkies gesny
'n hand vol vars koljander

Verhit die hoenderaftreksel en gooi dan twee knoffelhuisies, gemmer en rissies by. Plaas die deksel op en laat dit eenkant staan, terwyl jy die hoender voorberei.

Maak fyn snytjies in die hoenderborsies, smeer met die olie en daarna 1 knoffelhuisie, en braai dit dan bruin. Gooi ekstra olie in die pan indien nodig. Die hoenderborsies moet nie gaar wees nie. Sny dit dan in repe.
Voeg die hoender saam met die noedels en pak choi by die by die hoendersop. Prut dit tot die hoender gaar is.

Gooi die sojasous en lemmetjiesap by.

Wanneer jy dit bedien strooi jy stingeluie en koljander oor elke bakkie.
Jy eet eers die noedels uit die sop voor jy die sop eet.

Die resep is genoeg vir 4 persone.