Uie gebak in die skil

4 uie
10 mℓ gemengde droë kruie – byvoorbeeld tiemie, salie en dragon
5 mℓ suiker
2 mℓ sout
’n knippie rissiepoeier
60 mℓ gesmelte botter
125 mℓ vars broodkrummels

Sny die koppe van die uie af. Los die skil aan.
Sny nou ’n kegel-vorm uit die bokant van elke ui en sit die ui op die onderkant neer op ’n bakplaat wat met foelie oorgetrek is.

Meng die res van die bestanddele en vul die holtes in die uie daarmee.
Bak in ’n 200°C-oond vir 1 uur of tot die uie sag is.

Hierdie resep bedien 4 persone.

(foto Alexandre Dulaunoy)