The Platter’s by Diners Club South African Wine Guide 2016

Die nuwe Platter het einde Oktober in Kaapstad geloods.

Die publikasie se hoogste aanwysing, die wynmakery van die jaar, het gegaan aan Mullineux & Leeu Familiewyne in die Swartland, die eerste keer dat dat in twee agtereenvolgende jare deur dieselfde produsent gewen word. Boonop het hulle ook die toekennings ingepalm vir beste rooiwyn van die jaar, Iron Syrah 2013 en dessertwyn van die jaar, Olerasy Straw Wine NV.

Witwyn van die jaar was Warwick in Stellenbosch se The White Lady Chardonnay 2014.

Produsente wat vanjaar hul eerste vyfster-toekennings gekry het, is: Anura, Beeslaar, Bloemendal, Constantia Glen, Eenzaamheid, GlenWood, Guardian Peak, Keermont, La Couronne, Leeuwenkuil, Luddite, MVH Signature Wines, Savage Wines, Vondeling, Vuurberg en Waterkloof.