Groente- en bloukaas galette

’n Galette is meer van ’n brood, maar die idee is daar met die resep.

Rooster sowat 600 g gemengde, opgekapte groente in die oond in olyfolie en geur met sout en peper.

Rol 400 g skilferkorsdeeg uit op ’n bakplaat.
Prik die oppervlak met ’n vurk.
Bak by 200°C vir 10 minute.

Plaas nou die gaar groente op die skilferkors saam met 2 takkies tiemie en 2 takkies roosmaryn.

Sprinkel 30 mℓ olyfolie oor en krummel dan 100 g bloukaas oor.
Bak weer by 200°C vir 10 minute.

Garneer met roket en bedien saam met ’n tamatieslaai.

(Foto: Gene Wilburn)

Stuur jou resepte na con@qvrp.net. Foto's van die resepte is ook welkom.