Gebakte kaasbrood met eier / Oeufs au fromage

Botter
Skywe Edam-kaas
Gerasperde cheddar
Snye brood
Eiers
Sout en peper

Smeer ’n oondbak met botter en bedek die bodem met snye brood wat in gesmelte botter gedoop is. Daar moet ten minste een sny per persoon wees.

Plaas ’n skyf Edam-kaas op elke sny.
Plaas dit onder ’n oondrooster tot die kaas gesmelt het. Moenie dat dit bruin rooster nie.
Haal die bak uit die oond en breek ’n eier op elke sny brood. Hou die eiergele mooi heel.
Geur met sout en peper en strooi gerasperde cheddar oor.
Plaas terug in die oond tot die eier na wens is.