Bessie-sorbet

Gebruik dit om die palaat te verfris tussen geregte of as nagereg.
250 g bevrore frambose
250 g bevrore aarbeie
¼ koppie heuning
Sap van ½ suurlemoen
3 koppies water
Gerasperde skil van 2 lemmetjies

Pols die vrugte, heuning, suurlemoensap en water in ’n voedselverwerker.
Meng die lemmetjieskil by met ’n lepel.
Gooi die mengsel in ’n 21 x 11 cm broodpan wat met kleefplastiek uitgevoer is.
Vries oornag.

Haal uit die vrieskas so 45 minute voor jy dit gaan voorsit.