Vinnige klapperys met net 3 bestanddele

1 blikkie kondensmelk
3 pakkies (200 g elk) droë klapper
1 druppel voedselkleursel (kies jou eie kleur, rooi, blou, groen of pienk)

Meng die kondensmelk en klapper in ’n bak. Dit sal ’n baie stywe mengsel wees.

Vou die kleursel by die res van die bestanddele.

Druk die mengsel in ’n gevoerde, reghoekige 36 x 22 cm bakplaat.

Laat dit stol op ’n koel droë plek vir minstens ’n uur.

Sny en sit voor.

Die resep maak (vinnig) ongeveer 28 blokkies klapperys.