Duiwe met tamatiesous

Hierdie resep is vir 4 duiwe.

Verdeel elke skoongemaakte duif in twee. Braai elke helfte om die beurt bruin in botter. Braai net aan die velkant.

Pak die gebraaide duiwe in 'n kasserol.

Sny 'n groot ui in skywe en braai in dieselfde pan as die duiwe. Voeg nog botter by indien nodig. Plaas die uie oor die duiwe.

Meng 'n klein blikkie sampioene met 500 ml tamatiesous. Gooi die mengsel oor die duiwe.

Sit die kasserol se deksel op en plaas in 'n 180ºC oond vir 1½ uur.