Skotse witsop

Die prys van amandels maak dit deesdae duur Skotse witsop te maak, maar hier is die resep.

Stamp die volgende bestanddele fyn in ’n vysel:

250 g afgedopte amandels
die hardgekookte geel van 3 eiers
’n stuk gaar witvleis van ’n hoender

Gooi bogenoemde in 2 liter kokende hoendersop, ’n bietjie gerasperde suurlemoenskil en 2,5 mℓ neutmuskaat. Bring dit tot kookpunt en roer dan 250 mℓ room by. Kook oor baie lae hitte vir 2 ure.

Proe vir sout en peper.
Gooi die sop deur ’n sif en dien op so warm as moontlik.

Stuur jou resepte na con@qvrp.net . Foto's van die resepte is ook welkom.