Gebakte sous vir pasta

Jy sal vind dat hierdie gebakte tamatiesous ’n heel ander karakter het as ’n sous wat met dieselfde bestanddele in ’n souspan gemaak word. Dié resep is genoeg vir pasta vir 4 persone. Gebruik jou gunsteling pasta en berei dit voor terwyl die sous bak.

Vir die bolaag meng jy ¼ koppie gerasperde parmesan met ¼ koppie broodkrummels.

Vir die sous meng jy:

2 blikkies gekapte tamaties
2 fyngedruk knoffelhuisies
1 ui, baie fyn opgesny
1 rissie, ontpit en fyn opgesny
’n hand vol ontpitte swart olywe
¼ koppie koppie olyfolie
sout en varsgemaalde peper na smaak
’n handvol basiliekruid, fyn opgekerf

Gooi die sous in ’n oondbak en bedek met die kaasmengsel. Bak in ’n 200°C oond vir 45 minute. Die kaas moet ’n kors vorm.

Meng die sous met jou pasta en bedien.

Stuur jou resepte na con@qvrp.net . Foto's van die resepte is ook welkom.