Mueslibeskuit

700 g botter

750 mℓ karringmelk

500 mℓ suiker

4 eiers, geklits

1,5 kg bruismeel

45 mℓ bakpoeier

7 mℓ sout

300 g graanvlokkies

300 g muesli

Smelt die botter in 'n swaarboomkastrol en voeg die karringmelk en suiker by.

Verwyder van die hitte en voeg die eiers by.

Sif die bruismeel, bakpoeier en sout saam.

Voeg die bottermengsel, graanvlokkies en muesli by. Meng goed.

Vorm die mengsel in balletjies en pak dit in gesmeerde oondpanne.

Bak 45 minute lank in 'n 180°C-oond.

Keer dit uit op 'n draadrak om af te koel, maar breek die balle terwyl dit nog effens warm is.

Droog die beskuit oornag in 'n 50°C-oond.

Hierdie resep maak sowat 140 stukke beskuit.