Basiese hoenderekstrak / hoenderaftreksel

1 hoender, ook die hoender se pote
1 kalfskenkel
3 liter water
sout na smaak
6 peperkorrels
2 preie
6 wortels
1 ui, met 2 naeltjies daarin gesteek
2 stokke seldery
1 bouquet garni
1 knoffelhuisie

Plaas al die vleis in 'n groot pot, gooi die water by en sit die sout en peper by. Bring stadig tot kookpunt.
Laat dit prut vir 1 uur. Skep enige opdrifsels af van tyd tot tyd.

Voeg nou die preie, wortels, ui, seldery, bouquet garni en knoffel by. Prut verder vir nog 2 uur.

Skep alle vet of ander opdrifsels af en proe vir sout en peper. Gooi dit deur 'n sif en laat die vloeistof afkoel voor jy dit vries.