Gnocchi alla Piemontese

500 g aartappels
90 g meel
1 eier
1 eiergeel
Sout en peper
90 g botter
180 g gerasperde parmesaan

Kook die aartappels tot gaar.
Trek die skil af terwyl die aartappels nog warm is en maak fyn – een manier is daarom deur ’n sif te druk. Meng die aartappel met die meel, eier en eiergeel. Geur met sout en peper.
Rol nou balletjies met die aartappeldeeg – jy kan dit ook silindervormig maak. Dit moet omtrent so groot soos ’n okkerneut wees.
Druk die balletjies effens plat.
Gooi dit nou in kokende soutwater en kook vir 20 minute.

Dreineer die gnocchi en bedien met bruinsous en die parmesaan.

Resep: Herbert Joseph