Steurgarnaal-salpicon / Shrimp Salpicon

Salpicon is 'n mengsel waarmee jy tertdoppies vul of pluimvee stop.

225 g steurgarnale, skoongemaak en afgedop
30 g botter
1 klein ui, fyngekap
225 g tamaties, geskil en in kwarte gesny
5 mℓ paprika
5 mℓ tamatiepasta
sout
varsgemaalde swartpeper
knippie suiker

Smelt die botter in 'n kastrol en voeg die ui by. Sit die deksel op en smoor oor lae hitte tot die ui sag is.

Voeg die paprika by en kook vir 1 minuut.

Roer die tamatiepasta by, geur met sout en peper en voeg die knippie suiker by en prut vir 3 minute.

Sit die tamaties by en prut nog 5 minute.

Roer die steurgarnale by en roer oor die hitte tot die garnale gaar en alles warm is.