Vark en afval / Pork and Offal

Jy het 'n gesmeerde oondskottel nodig vir die resep. Die bak moet 'n deksel hê.

Op die bodem pak jy 'n laag sout varkvleis, gevolg deur 'n laag afval wat in repe gesny is. Die volgende laag is geskilde wortels wat in ringe gesny is. Strooi vars gekapte pietersielie en tiemie oor en sit 'n lourierblaar by. Nou pak jy weer 'n laag vark en 'n laag afval. Hou so aan tot jou vark en afval op is. Tussen hierdie lae vark en afval moet jy 'n bouquet garni ook indruk.
Nou gooi jy droë witwyn oor alles. Die wyn moet alles bedek.
Pak 'n laag spek bo-op.
Bedek en plaas in 'n 150°C-oond vir 4 uur.

Verwyder die kasserol, roer 'n groot klont botter by en plaas dit terug in die oond vir nog 30 minute.

Bedien dit baie warm. Onthou om die bouquet garni te verwyder voor jy dit bedien.