Oorskiet beesvleis word gebruik vir hierdie resep. Sny die vleis op in groot stukke. Basies is dit 'n warm sous wat jy oor oorskiet vleis bedien.
Jy gaan ook die volgende bestanddele nodig kry:
250 g spek, in blokkies gesny
3 uie, fyn opgesny
15 mℓ vars gekapte pietersielie
1 lourierblaar
knippie droë tiemie
knypie witpeper
45 mℓ asyn
90 mℓ bouillon / aftreksel
Braai die spek en uie saam tot die uie sag is – moet dit nie verbruin nie.
Voeg die lourierblaar, tiemie, witpeper en pietersielie by. Roer om dit goed te meng.
Voeg die asyn by en roer weer.
Gooi die aftreksel in, roer en laat dit vir 2 minute lank verhit.
Plaas nou die vleis in die sous en verhit dit vir 5 minute.
Bedien saam met aartappels en 'n groenslaai.
Gebruik die soekenjin (bo) of die alfabetiese gidse (onder) om te soek vir resepte of ander inligting.
Kookterme / Woordelys | Wenke en Advies | Resepteboeke | Oondtemperature | Mate en gewigte | Gram per 250 ml / 1 koppie | Pangroottes | Basiese kombuisgereedskap | Wynwoordeboek | Die spens | Beesvleissnitte en gaarmaakmetodes
No comments :
Post a Comment