Soek vir 'n resep

Gebruik die soekenjin (bo) of die alfabetiese gidse (onder) om te soek vir resepte of ander inligting.



Kookterme / Woordelys | Wenke en Advies | Resepteboeke | Oondtemperature | Mate en gewigte | Gram per 250 ml / 1 koppie | Pangroottes | Basiese kombuisgereedskap | Wynwoordeboek | Die spens | Beesvleissnitte en gaarmaakmetodes

3/22/2013

Haaksel

Haaksel is Suid-Afrikaners se weergawe van die Skotte se haggis. Die resep is genoeg vir 4 persone.

1 varklewer, skoongemaak en gewas in soutwater
harslag van 'n vark – hart en die longe met die lugpyp nog daaraan, skoongemaak en gewas
110 g vet
3 uie
110 g hawermeel
sout
peper
2 mℓ foelie
2 mℓ tiemie
125 mℓ asyn
lourierblaar

Kook die lewer en uie in water saam met die lourierblaar vir 30 minute. Verwyder die uie na 15 minute, sny in blokkies en hou dit eenkant.

Behou 250 mℓ van die vloeistof wanneer die lewer klaar gekook het.
Kook die harslag nou in die water. Gooi nog water by indien nodig.
Hang die lugpyp oor die kastrol se kant om die skuim uit die longe af te voer. Wanneer die skuim ophou uitkook is die vleis gaar en kan die lugpyp afgesny word. Gee die lugpyp vir jou hond.
Maal die lewer, hart en longe saam fyn.

Skroei die hawermeel vinnig in 'n droë swaarboompot. Roer aanhoudend.

Meng die vleis, vet, uie en hawermeel en geur met sout en peper. Meng die asyn en behoue vloeistof by.
Gebruik 'n stoompot om die haaksel gaar te maak. Plaas die vleis bo en kookwater onder. Die water moet net-net kook. Stoom vir 2 uur.

No comments :

Post a Comment