Loading

Gebruik die soekenjin (bo) of die alfabetiese gidse (onder) om te soek vir resepte of ander inligting.


Bees | Braai | Brood | Bier | Drankies | Eend | Eier | Fisant | Gans | Groente | Haas | Hoender | Inlê | Kaas | Kalf | Kalkoen | Koek | Koekies | Konyn | Krokodil | Lam | Nagereg | Pasta | Patrys | Rys | Seekos | Skaap | Slaai | Sop | Souse | Tarentaal | Vark | Vegetaries | Vis | Vleis | Vrug | Volstruis | Wild

Ontbyt | Peuselhappie | Voorgereg / Entrée | Hoofgereg | Bykos | Slaai | Nagereg | Drankies | Wyn

Kookterme / Woordelys | Wenke en Advies | Resepteboeke | Oondtemperature | Mate en gewigte | Gram per 250 ml / 1 koppie | Pangroottes | Wynwoordeboek | Die spens | Beesvleissnitte en gaarmaakmetodes

Suid-Afrikaans | Amerikaans | Argentyns | Brasiliaans | Chinees | Duits | Egipties | Engels | Frans | Grieks | Hongaars | Indies | Israelies | Italiaans | Japanees | Joods | Kameroens | Kanadees | Karibies | Kongolees | Koreaans | Kreools | Kubaans | Libanees | Libies | Maleisies | Maltese | Marokkaans | Mexikaans | Mosambieks | Nederlands | Nigeries | Noorweegs | Oostenryks | Persies | Peruaans | Pools | Portugees | Russies | Skots | Spaans | Sweeds | Switsers | Thai | Turks | Viëtnamees | Vlaams | Wallies
| Wes-Indies


 
Teken per e-pos in by die Gids:
Die Gids:

7/02/2008

C Glossarium, Woordelys van kookterme - voedsel en wyn

A B C D E F G H I J K L M N O P Q R S T U V W X Y Z

cabernet [ka-ber-ne]
'n Druifsoort waarvan wyn gemaak word. Dit is oorspronklik afkomstig van Bordeaux in Frankryk.

cabernet sauvignon [ka-ber-ne soe-wie-john]
'n Druifsoort wat gebruik word vir die maak van rooi wyn.

cabernet [ka-ber-ne]
'n Druifsoort waarvan wyn gemaak word. Dit is oorspronklik afkomstig van Bordeaux in Frankryk.

cabillaud [kaa-bee-jo]
'n Baarsagtige stekelvinvis, Johnius hololepidotus, met 'n blouerige swart bosy, silwerige ondersy, gladde skubbe en geronde stertvin, aangetref om die Suid-Afrikaanse kus, by Australië, in die Atlantiese Oseaan en in die Middellandse See. Die naam word ook gebruik vir 'n sagvinnige Noord-Atlantiese roofvis, Gadus morrhua, wat lewertraan as byproduk lewer.
In Afrikaans is dit bekend as die kabeljou, boerkabeljou, kob en rietbul. In Frans staan dit ook bekend as morue.
Caboc
'n Baie romerige soet Skotse kaas gemaak van koeimelk en dan in hawermout gerol.

cacao [ka-ka-ou]
Die saad van die kakaoboom wat gebruik word vir die voorbereiding van sjokolade of kakaobotter.
Sien ook kakao.

Caerphilly
'n Kaas gemaak in die dorpie Caerphilly in Wallis. DIt is halfhard en wit met 'n sagte, effens suur smaak.

café [ka-fy]
Die Franse woord vir koffie.

café frappé [ka-fy fra-pei]
Yskoue koffie.

café au Kirsch [ka-fy ou kirsjh]
Koffie met Kirsch (likeur).

café au lait [ka-fy ou lê]
Koffie met melk.

café noir [ka-fy nwhaar]
Swart koffie.

café royale [ka-fy ro-jaal]
Koffie met konjak of brandewyn.

café turck [ka-fy turk]
Turkse koffie.

caille [ka-jy]
Kwartel.

calabrese [ka-la-bry-zei]
’n Wit of groen soort broccoli. Daar is ook ’n soort salami met dieselfde naam.

calabrese-romanesco
Dié groente is ’n kruising tussen blomkool en broccoli. Dit het ’n effens soet en neutagtige geur. Ander name hiervoor is romanesco, romanesco-blomkool, romanesco-broccoli of minaret.

calamari
Calamari is inkvis wat as voedsel voorberei word.

camembert [ka-mim-bêr]
'n Sagte, romerige kaas met 'n sterk geur.

canapé [ka-na-pei]
’n Beskuitjie, klein stukkie brood of roosterbrood met ’n geurige soutige mengsel daarop. Ook genoem kanapee, kanopee of broodsoutigheidjie.

canard [ka-naar]
Die Franse woord vir eend.

canard sauvage [ka-naar sou-waasj]
Die Franse woord vir wilde-eend.

caneton [kaan-tohn]
Die Franse woord vir jong eend.

canneloni
Italiaans vir “hol pype” of groot macaroni-buise gevul met geurige vulsels.

cantal
'n Kaas gemaak van koeimelk met 'n hoë vetinhoud. Dit het die kleur van ivoor, maar het 'n donker kors. Die kaas het 'n soet neutagtige smaak. Die kaas is ook bekend as Fourme du Cantal. Dit is oorspronklik van die Auvergne-streek in Frankryk. Die kaas word gewoonlik na die maaltyd bedien saam met wyn en vrugte.

Cap Classique
Suid-Afrikaanse vonkelwyn wat op dieselfde wyse geproduseer word as Champagne.

capon [kaa-poohn]
Frans vir ’n gekastreerde haan. Ook genoem ’n kapoen of kapoenhaan in Afrikaans.

caponata [ka-pon-naata]
’n Sisiliaanse gereg van vis en eiervrug.

cappucino [ka-poe-tjino]
Italiaanse koffie met melk wat skuimerig gemaak is deur stoom wat onder druk is.

capsicum
’n Geslag tropiese plante wat die een of ander soort rissies dra. Die peule bevat sade waarvan peper gemaak word.

carbonnade [kar-bohn-naad]
Franse biefkasserol gemaak met bier.

carotte [ka-rot]
Frans vir geelwortel.

carpe [kaarp]
Frans vir karper.

Carréde l’est
’n Romerige en net effens gesoute kaas uit Frankryk.

casaba (winter melon)
’n Winterspanspek met ’n gladde skil en groen vleis.

cassata
’n Roomysblok of vorm gevul met vrugte en neute geweek in brandewyn of likeur. Dit kan met room voorgesit word.

cassis [ka-sie] (black current syrup, black current liqueur)
Frans vir swartaalbessiestroop of –likeur. Dit word ook in nageregte en sjokolade gebruik.

cassolette [kas-soe-let]
Die Franse naam vir klein bakkies waarin hors d’oevres, entrées en sommige nageregte bedien word. Die naam word ook gebruik vir fynaartappel, gemeng met eier en gegeur en dan in balletjies gevorm en gebak.

cassoulet [kas-soe-lê]
’n Franse bredie van haricot-bone, vark- of lamsvleis, of eend of gans, wors, groente en spekvleiswoerd.

carré d’agneau [kar-rei dan-jò] (loin of lamb)
Frans vir “lamslende”.

carte du jour [kart du-sjoor] (bill of fare)
Frans vir “spyskaart van die dag.”

catawba
'n Ligrooi Amerikaanse druifsoort wat teen somerreën bestand is. Die naam is afkomstig van die Catawba-rivier in Carolina, VSA.

Cayenne-peper
’n Sterk spesery gemaak van gemaalde brandrissie.

Cebiche
'n Tradisionele Suid-Amerikaanse gereg van vis gemarineer in suurlemoen- of lemmetjiesap. Alternatiewe spellings is Ceviche of Seviche.

célery [sei-le-ree]
Frans vir “seldery”.

cep [sep]
’n Soort eetbare sampioen.

cèpe [sep]
’n Soort eetbare sampioen.

cerise [se-riez]
Frans vir “kersie”.

cervelle [ser-wel]
Frans vir “harsings”.

Ceviche
'n Tradisionele Suid-Amerikaanse gereg van vis gemarineer in suurlemoen- of lemmetjiesap. Alternatiewe spellings is Cebiche of Seviche.

challah [galla]
Gevlegte witbrood met ’n fyn tekstuur wat op die Joodse Sabbat geëet word.

Champagne [sjam-pahn-je]
'n vonkelwyn wat in die Champagne-streek in Frankryk geproduseer is. Die wyn uit hierdie streek het nooit 'n vonkel gehad nie tot 'n Benediktynse monnik, Dom Pierre Pérignon, die metode vervolmaak het om die vonkel in die wyn te hou. Dit word hoofsaaklik van pinot noir en chardonnay gemaak. Suid-Afrikaanse vonkelwyn wat op dieselfde wyse geproduseer word word genoem Cap Classique.

champenois
'n Byvoegsel vir enige gereg wat met Champagne of enige ander wyn uit die gelyknamige streek voorberei is.

champignon [sjam-pee-nohn]
Frans vir "sampioen".

Chantilly-room [sjan-tee-jee] (Chantilly, Chantilly cream)
Frans vir 'n effens versoete geklopte room wat soms gegeur word met vanilla.

Chantilly-sous [sjan-tee-jee] (Chantilly sauce)
Frans vir mayonnaise of Hollandaise-sous gemeng met geklopte room.

chapati
'n Dun plat ongesuurde brood voorgesit met talle Indiese geregte.
chapati resep >>

chapon [sja-pôhn]
'n Frans ebrood, ingevryf met knoffel, olie en asyn en by slaaie gevoeg. Die woord word ook in Frans gebruik vir 'n gemeste haan.

chardonnay [sjar-don-ny]
'n Witdruifsoort uit Boergondië in Frankryk.

Charlemagne
Die beste witwyn gemaak in die Aloxe-Corte kommune van Côte de Beaune in die ooste van Frankryk, meesal genoem Corton-Charlemagne. 'n Deel van die wingerd die eiendom was van die keiser Charlemagne.

charlotte
’n Charlotte is ’n warm vrugtepoeding, gemaak in ’n vorm uitgevoer met brood gedoop in gesmelte botter en gevul met gaar vrugte verdik met appelkooskonfyt. Die naam word ook gebruik vir ’n koue nagereg, gemaak in ’n vorm uitgevoer met sponskoekvingers en gevul met Beierse room.
Charlotte russe resep >>

charlotte-vorm (charlotte mould)
’n Charlotte-vorm is ’n eenvoudige vorm gebruik vir charlotte-poedings en ander nageregte.

chartreuse [sjaa truz]
’n Franse likeur berei van onder andere van lemoeskille, peperment en speserye. Dit is vernoem na die Kartuiserklooster by Grenoble. Die naam word ook gebruik vir ’n gereg van gemengde vleis en groente.

chäshappen
Chäshappen is ’n Switserse spesialiteit gemaak van Appenzell, melk, meel, gis en eiers. Die mengsel word met ’n spuit in ’n warm pan gespuit en dan gebraai. Dit word warm bedien saam met ’n slaai.

chateaubriand [sja-tou-bree-haan]
’n Franse metode om biefstuk uit die dikste deel van die fillet te berei. Dit word heel gaargemaak en dan voorgesny en bedien.

chaud(e) [sjou/sjoud]
Die Franse woord vir "warm".

chaude-froids [sjoud-frwha]
’n Elegante, ingewikkelde Franse gereg van pluimvee of wildsvleis voorgesit met chaude-froids-sous (aftreksel en wyn) en verglans met aspiek. Dit word koud voorgesit.

chayote [tja-jo-te]
Chayote is ’n groen gegroefde peervormige groente met ’n stekelrige skil en ferm witvleis. Dit is deel van die Amerikaanse pampoenfamilie en soortgelyk aan akkerskorsies. Dit kan gekook en warm of koud bedien word, of in blatjang gebruik word.

cheddar
'n Harde kaassoort met 'n pikante smaak. Die naam kom van die dorpie Cheddar in Somerset, Engeland, waar die kaas die eerste keer gemaak is.

chenin blanc
'n Druifsoort waarvan wyn gemaak word. Oorspronklik verbou in die Loire-vallei in Frankryk.

chef de cuisine [sjef de kwi-zien]
Frans vir "hoof van die kombuis".

chenin blanc [sje-nihn-blahn]
Chenin blanc, of steen, is een van die mees veelsydigste witwyndruifsoorte in Suid-Afrika. Dit word gebruik vir die maak van droë wyn, halfsoet wyn, edel-laatoes, vonkelwyn en soms selfs vir sjerrie, gefortifiseerde wyn en brandewyn.

cheshire
Cheshire lyk omtrent soos cheddar, dis net meer krummelrig en het 'n effens suurder smaak. Die Engelse kaas kan tot 'n jaar bewaar word en word beter hoe ouer dit word. Dit is ook bekend as chessa.

chessa
Chessa lyk omtrent soos cheddar, dis net meer krummelrig en het 'n effens suurder smaak. Die Engelse kaas kan tot 'n jaar bewaar word en word beter hoe ouer dit word. Dit is beter bekend as cheshire.

chevreuil [sje-wrui]
Frans vir "wildsvleis".

chianti
'n Droë Italiaanse rooiwyn. Die versnit sluit altyd sangiovese in en is ten minste vir drie jaar verouder. Chianti wat gemaak word van druiwe uit die sentrale noordelike gedeelte van Italië waar Chianti oorspronklik vandaan kom en afkomstig van 'n kelder in die streek staan bekend as Chianti Classico. Dit wyn word verkoop in die kenmerkende bottels met 'n abnormale breë onderste gedeelte bedek met 'n stooimandjie genoem fiaschi.

chiffonade [sjee-fo-naad]
Die Franse term chiffonade word gebruik wanneer plante soos kropslaai en suring baie fyn gekerf en gekook word en as garnering gebruik word.

chilli con carne [tjee-lee kon kar-nei]
’n Amerikaans gereg van gemaalde beesvleis wat sterk gegeur word met rissie. chilli con carne resep >>

Chinese kaneel
Die gedroogde bas van die Chinese boom, Cinnamomum cassia, wat ’n kaneelagtige smaak het, net skerper. Ook genoem kassie, kassiebas, kassiekaneel, en kassia.

Chinese spinasie
'n Kruid van die geslag Amaranthus.

chinois [sjee-nwa]
In Frans verwys dit na ’n koniese sif met ’n baie fyn maas. Die woord kan ook verwys na ’n klein groen of geel Chinese lemoentjie wat in brandewyn ingelê is.

chipolata [tjip-o-lata]
Die Italiaanse woord word gebruik vir ontbytworsies gemaak van vark- of beesvleis.

chipotle
'n Ryp jalapeño wat gerook is.

chop-suey
Hierdie Chinese styl dis is eintlik in die Verenigde State van Amerika ontwerp aan die einde van die negentiende eeu deur Chinese immigrante. Dit bestaan uit 'n mengsel van gekapte groente en soms ook repe vleis, veral hoender of vark, word. Dit word in die voedsel se natuurlike sappe gaargemaak en normaalweg saam met rys bedien.

chorizo
Chorizo is die versamelnaam vir verskeie soorte varkwors wat gemaak word in die Iberiese Skiereiland.

chou [sjoe]
Die Franse woord vir “kool”.

choux-deeg
'n Baie sagte deeg wat gespuit of geskep word. resep vir choux

chowder
'n Sop of bredie, meestal van vars vis. Chowder is oorspronklik van die Verenigde State van Amerika.

chow mein
'n Tipiese Chinese gereg bestaande uit gebraaide noedels met vleis, hoender, garnale of groente.

choy sum
Chinese kool met geel-groen blare.

ciabatta
'n Plat Italiaanse brood met 'n ferm struktuur met baie gate en 'n bros kors. Die brood word tradisioneel in 'n houtstoof gebak. Ciabatta beteken pantoffel in Italiaans. 'n Klein ciabatta wat gerooster is word 'n panino genoem. Die meervoud van panino is panini. Omtrent elke streek in Italië het sy eie weergawe van die ciabatta. In Rome is die tradisionele manier om marjolein by te voeg. Wanneer volgraan meel gebruik word staan dit bekend as ciabatta integrale en wanneer melk in die deeg gebruik word is dit ciabatta al latte. resep ->

cognac
Franse brandewyn van Cognac.

consommé
Aftreksel gekook van vleis, pluimvee of vis. 'n Ware consommé is deurskynend en aromaties. Dit word gewoonlik as die eerste gang bedien by aandete en kan warm of koud wees. Dit kan ook garneer word of verdik word. 'n Consommé word verdik met room, eiergeel of araroet.

coq
Frans vir haan. In die kookkuns is dit sinoniem met hoender. Hane wat goeie teelmateriaal was is aan die einde van hul leeftyd gebruik in die bekende coq au vin. Vroeër jare was dit gebruiklik om die kam en niertjies van die haan te gebruik as garnering vir die coq au vin.

cordillon
'n Klein koekie gemaak van soet deeg en gegeur met saffraan. Dit staan ook bekend as brassadeau, brassado en tortillon.

Corton-Charlemagne
Die beste witwyn gemaak in die Aloxe-Corte kommune van Côte de Beaune in die ooste van Frankryk, soms net genoem Charlemagne. 'n Deel van die wingerd was die eiendom van die keiser Charlemagne.

cos lettuce
Blaarslaai met lang, los blare en gekreukelde rante. Ook genoem bindslaai of romaine.

Côte-de-Blaye
Die naam van die rooi- en witwyne wat in die Blayais streek in Frankryk geproduseer word.

court bouillon
Court bouillon is ’n aftreksel vir gebruik met seekos. Dit is ook geskik vir afval en witvleis. resep >>

crème bavarois [krem ba-wa-rwha]
Bavarois is ’n ryk vla wat met room gemeng en met gelatien gestol word. Dit staan ook bekend as Beierse room, Beierse roompoeding of Bavarois.
resep >>

crème de cassis
'n Donkerrooi likeur gemaak van swartbessies.

crème fraîche
Crème fraîche is 'n soort suurroom, net dikker en minder suur. Crème fraîche het geen bymiddels nie.

Crimini
'n Donker sampioen met 'n ryk smaak. Dit is veral geskik vir gebruik saam met vleis en souse.

croissant
'n Halfmaanvormige broodjie van skilferkors. Dit is oorspronklik van Frankryk.

crouton / croûton
'n Stukkie roosterbrood wat bo-op sop of as garnering gebruik word.
Ook genoem kroton.

cuisine
Metode van voedselvoorbereisding. Dit is 'n Franse woord wat afgelei is van die oorspronklike Latynse woord coquina wat, net soos die Frans kan verwys na "om te kook, kookkuns of kombuis".



Wynwoordeboek

A B C D E F G H I J K L M N O P Q R S T U V W X Y Z

No comments :

Post a Comment