-
(Hou jy van ons hulpbronne? Oorweeg asseblief ’n donasie in Bitcoin: 179nZqSyFmYPcvu4ZU733PgXBKUYXcy9DD)
- yam
- ’n Amerikaanse rooi patat.
- Yorkshire-poeding
- ’n Pannekoekbeslag gebak in vet, in vierkante gesny en voorgesit saam met gebraaide beesvleis.
Yorkshire-poeding resep - youngbessie
- ’n Soort braam met ’n groot, soet, swartrooi bessie.
- Youvetsi
- Youvetsi is ’n tradisionele Griekse vleisbredie met bees of lam.
- ys
- Water in ’n vaste toestand.
- ysbeen
- ’n Vleisstuk uit die boud.
- ysberg-blaarslaai (iceberg lettuce)
- Bros blaarslaai met stywe, ronde koppe.
- ysgeregte
- Gegeurde sorbet en waterys.
- ysglans (ice-coat)
- Wat die gevolg is van iets in water doop en dan bevries.
- yskas
- ’n Kas waarin bederfbare produkte koel gehou word. (koelkas)
- yskaskoekies
- Koekies waarvan die deeg eers in die yskas of vrieskas gehou is voor dit gebak word.
- yskelder
- ’n Kelder waarin ys bewaar word.
- yskis
- ’n Kis met ys waarin bederfbare produkte bewaar word.
- ysmasjien
- ’n Masjien om mee ys te maak.
- yssak
- ’n Sak gevul met ys.
- ysstokkie
- Gegeurde waterys op ’n stokkie.
- ystee
- ’n Afgekoelde, versoete tee. Soms word dit met kruie of vrugte gegeur. Dit word soms ook oor ysblokkies bedien.
- ysterkruid
- ’n Suurlemoen geurige kruid waarvan die blare gebruik word in-tee of slaaie. (verbena)
- ystervark
- ’n Knaagdier wat oor die agterlyf en stert met skerp penne bedek is. Die woord word ook gebruik vir ’n blokkie sponskoekwat in sjokolade gedoop en met klapper bestrooi is.
- ystervarkies (lamingtons, lammingtons)
- Blokkies sponskoek wat in sjokolade gedoop word en met klapper bedek word.
Wynwoordeboek
No comments :
Post a Comment