Indeks W

A B C D E F G H I J K L M N O P Q R S T U V W X Y Z

waaierstyl (hasselback)

’n Sweedse tegniek om groente, gewoonlik aartappels, halfpad deur in baie dun skyfies te sny.

waatlemoen

’n Groot, sappige rankvrug,Colocynthus, met rooi vleis.

wafel

’n Brosserige koekie wat warm met roomys en stroop bedien word.

wafeltjie (wafer)

’n Baie dun beskuitjie of koekie.

wafelyster

Kombuistoerusting wat uit twee roosterplate bestaan. Beslag word op een gegooi en die ander word bo-oor toegevou.

walkie talkies

Gestoofde hoenderkoppe en pote bedien met tamaties, rys of pap.

walvis

’n Soogdier van die orde Cetacea met die lyf van ’n vis, wat traanolie lewer en waarvan die vleis eetbaar is.

walvisolie

Olie verkry uit walvisse.

waterbok

Die groot wildsbok Kobus ellipsiprymnus met 'n massa van tot 272 kg, wat 1,35 meter hoog word met horings van tot 1 meter. Die bok hou naby water en die opvallendste kenmerk is ’n wit kring om die stert.

waterkers (watercress)

Plante met wit blomme wat in water groei waarvan die peperagtige blare geëet word. Dit staan ook bekend as bronkors.

weekdier

’n Meersellige dier sonder geraamte, maar met ’n harde skulp.

weikool (kale, kail, borecole kale, cole, colewort)

’n Soort kool met gekrulde en gebuigde blare wat nie ’n kop vorm nie. (boerekool, krulkool)

White Russian

’n Klassieke mengeldrankie. Waarskynlik ’n Amerikaanse uitvindsel.
White Russian

wild

Ongetemde diere.

wilde komyn

Die plant Carum carvi waarvan die saad as spesery gebruik word. Ook genoem koeksaad, karwy of kummel.

wildepatat

Eetbare bolplante.

wilderoket

Wilderoket het ’n sterker smaak as gewone roket en die blare is erg ingekeep, sodat dit amper lyk soos uitsteeksels.

windmakerbos

Enigeen van verskeie struike waarvan die takke as brandhout in bakoonde gebruik word. Ook genoem oondbos of bakbos.

wit asyn

Asyn met ’n wit kleur.

wit muskus

’n Plant waarvan die vrugte as groente gebruik word. Die suring-agtige blare kan ook geëet word. (abelmos, goudpiesang, okra, woudklawer)
Wit muskus

wit tee

’n Delikate, geurige tee, ryk aan antioksidante. Die tee word slegs een maal per jaar gedurende die lente geproduseer wanneer die ongeopende wit knop en 2 blare gepluk word. Dit word songedroog, daarna in die skadu laat lê, voor dit weer in ’n droër gedroog word.

witbek (musselcracker)

’n Geurige hengelvis met 'n kenmerkende groot kop. Die vis het ferm wit vleis. Die vleis word growwer namate die vis ouer word. Die vis het verskeie name alhoewel daar net twee soorte in Suid-Afrika voorkom. Die name sluit in mosselkraker, poenskop, swartbiskop, bloubiskop en witbiskop.

witbiskop (musselcracker)

’n Geurige hengelvis met 'n kenmerkende groot kop. Die vis het ferm wit vleis. Die vleis word growwer namate die vis ouer word. Die vis het verskeie name alhoewel daar net twee soorte in Suid-Afrika voorkom. Die name sluit in mosselkraker, poenskop, swartbiskop, witbek en bloubiskop.

witloof

Witloof is ’n ander naam vir gewone sigorei (Cichorium intybus). Die geroosterde en gemaalde wortel van die plant word by koffie gevoeg. Die blare word ook as groente gebruik. Wanneer dit as groente gebruik word, word ook daarna verwys as brusselslof.

witpenshaas

'n Grysbruin knaagdier met 'n pels, gesplete bolip, kort stert, lang ore en lang agterbene, Lepus capensis.

witsous

'n Witsous genaamd béchamel wat gemaak word deur melk by roux te voeg. Die sous is vernoem na die Franse finansier Louis de Béchameil, markies van Nointel. Die sous is 'n aanpassing van 'n oorspronklike resep van 'n sjef van Louis XIV wat dit na Louis de Béchameil vernoem het. Dit word vir 'n groot verskeidenheid geregte gebruik en dien ook as basis vir verskeie souse. klassieke resep. <- dd="">

witwortel

'n Plant met 'n verdikte eetbare wit wortel.

wonderpeper (allspice)

'n Spesery wat verkry word deur die gedroogde, onryp bessies van die Wes-Indiese pimentboom (Pimenta officinalis) fyn te maal. Een teelepel fyngemaalde bessie is gelyk aan 5 bessies. Indien jy nie dit het vir 'n gereg nie kan jy 'n mengsel gebruik van gelyke dele fyngemaalde kaneel, naeltjies, neutmuskaat en swartpeper. Dit is ook bekend as naelbol, piment en jamaikapeper.

wors

Gemaalde vleisprodukte wat in 'n derm of 'n namaaksel daarvan gestop is.

woudklawer

’n Plant waarvan die vrugte as groente gebruik word. Die suring-agtige blare kan ook geëet word. (abelmos, goudpiesang, wit muskus, okra)
Woudklawer

wrongel

Wrongel is gestremde melk waaruit kaas gemaak word. Ook genoem kaasstof.

wuchteln

Wuchteln is 'n soort soet gebak wat van gisdeeg berei en voor die bakproses in kluitjies gevorm word. Dit word met of sonder 'n vulsel bedien.
Ook genoem einback, buchteln, ofennudeln of rohrnudeln.

wyn

Sterk drank gemaak van gegiste druiwesap.

wynasyn

Asyn gemaak van gegiste druiwe.

wynsteen

Die vaste stof wat aan die binnekant van wynvate vasplak.

wyting (whiting)

’n Europese soutwatervis.

Wynwoordeboek

A B C D E F G H I J K L M N O P Q R S T U V W X Y Z